Letra de J. Caruso
Música de F. Canaro
(in Latinum convertit Radulfus Lavalle)
Ut amatorias curas inundem,
letiferas, indelebiles,
in manibus trementibus sumo
aureum scyphum spumei vini.
Combibentes, bibite mecum,
quod bibendo Lethe capitur;
sed scintillae veterum amorum
nubilare solent fletu palpebras.
Me assuevi non semel bibere
de suo fonte purpureo labrorum,
et ad lucem morientis pupillae
quotquot horis clepsydram everti!
Sed convivae, mei oblita est,
et in dulci mei vasis absinthio
videor contemplari illa ora
quae basiarunt mea ora millies.
Remanent in meo animo scintillae
amoris qui non extinguetur,
et quamquam renitor haud potero
fulvam flammam necare urentem.
Inebriatus hac nocte ego ero
et meipsum temptavi fallere,
sed, di velint, amici bibamus,
bibamus, Mosella stupere valeam!